ອາເມຣິກາ ສັ່ງຊື້ລົດຫຸ້ມເກາະລຸ້ນໃໝ່ຫຼາຍຂຶ້ນ
ໜັງສືພິມກອງທັບປະຊາຊົນ ຫວຽດນາມ ລາຍງານໃນອາທິດຜ່ານມານີ້ວ່າ: ກອງທັບສະຫະລັດ ໄດ້ເຊັນສັນຍາໃຫ້ຜູ້ຮັບເໝົາຜະລິດອາ
ວຸດດ້ານປ້ອງກັນຊາດ BAE Systems (UK) ເພື່ອເລີ່ມຕົ້ນການຜະລິດລົດຫຸ້ມເກາະອະເນກປະສົງ (AMPV). ໂຮງງານຜະລິດຂອງ
BAE Systems ຕັ້ງຢູ່ໃນລັດ Pennsylvania, ເຊິ່ງສະຫະລັດຈະເປັນຜູ້ຮັບຜິດ ຊອບໃນຂໍ້ຕົກລົງນີ້.
ຍອດມູນຄ່າການສັ່ງຊື້ໃນເບື້ອງຕົ້ນແມ່ນ 797 ລ້ານໂດລາ, ເພີ່ມຂຶ້ນ 1,6 ຕື້ໂດລາ ນີ້ແມ່ນການລົງທຶນຂະໜາດໃຫຍ່ຂອງກອງທັບອາ
ເມຣິກາ ເພື່ອເຮັດບັນລຸໄດ້ແຜນມີປະຈຳການລົດ AMPV 3.000 ຄັນໃນ 20 ປີຕໍ່ໜ້າ ດ້ວຍຍອດມູນຄ່າ 10 ຕື້ໂດລາ ທີ່ຈະນຳມາປ່ຽນ
ແທນລົດຫຸ້ມເກາະ M113 ທີ່ໃກ້ຈະໝົດອາຍຸການນຳໃຊ້ ຜ່ານມາລົດ M113 ຖືວ່າເປັນລົດຫຸ້ມເກາະທີ່ປະສົບຜົນສຳເລັດໃນປະຫວັດສາດ
ຂອງ ອາເມຣິກາ ແລະ ຍັງເປັນລົດຫຸ້ມເກາະທີ່ມີຄວາມນິຍົມຫຼາຍທີ່ສຸດໃນປະຫວັດສາດສົງຄາມສະໄໝໃໝ່ ໂດຍມີການຜະລິດຫຼາຍກວ່າ
80.000 ຄັນ, ຢ່າງໃດກໍຕາມ M113 ແມ່ນບໍ່ເໝາະສົມສຳລັບຍຸດທະວິທີສູ້ຮົບໃນປັດຈຸບັນ, ເນື່ອງຈາກວ່າມັນບໍ່ມີຄວາມສາມາດຄືກັບລົດຕັງ
Abrams ແລະ M2 Bradley ເພາະວ່າມີຄວາມສ່ຽງຫຼາຍໃນສະພາບແວດລ້ອມການຕໍ່ສູ້ໃນຕົວເມືອງ. ກອງທັບສະຫະລັດ ແລະ ບໍລິສັດ
BAE ໄດ້ປະສານງານກັນເພື່ອພັດທະນາ AMPV ໂດຍອີງໃສ່ການອອກແບບຂອງລົດຫຸ້ມເກາະ M2 Bradley ແລະ ປືນອັດຕະໂນມັດ
M109A7 ພາ ຫະນະດັ່ງກ່າວມີ 5 ຊະນິດຄື: ລົດຫຸ້ມເກາະບັນທຸກພົນທະຫານຮາບ, ລົດບັນຊາ, ລົດເກັບກູ້ລະ ເບີດ, ລົດບັນທຸກທົ່ວໄປ ແລະ
ພາຫະນະ 120 ມມ ເຊັ່ນດຽວກັນກັບ M113, AMPV ມີຄວາມສາ ມາດແລ່ນໃນພື້ນທີ່ທຸລະກັນດານ.
ລົດໄດ້ຮັບຕິດຕັ້ງລະບົບສື່ສານ ດາວທຽມ Satcom, ລະບົບສະ ກັດກັ້ນເອເລັກໂຕຣນິກ ທີ່ທັນສະໄໝ. ມາຮອດປັດຈຸບັນກອງທັບອາເມ
ຣິກາ ໄດ້ຮັບລົດ AMPV ເກືອບ 280 ຄັນ ຄາດວ່າການຜະ ລິດຈະສຳເລັດຕາມແຜນໃນທ້າຍປີ 2024 ປະມານ 450 ຄັນ.
ແຫຼ່ງທີ່ມາ: ໜັງສືພິມກອງທັບ
ວັນທີ 10/10/2023